Kumanaan qoys oo ka tirsan xoola dhaqatada reer guuraaga gobolka Gedo ayaa bilaabay in ay u hayaamaan deegaano ka tirsan Jubbooyinka oo ay deriska yihiin gobolkan kadib roob yaraan dhowr sanno ka jirtey gobolka Gedo oo biyo iyo daaqba gabaabsi ka dhigtay.
Dhammaan degmooyinka Dolow, Baladxaawo, Buurdhuubo, Luuq, Garbahaarey iyo Ceelwaaq ee waxaa wakhtigaan ka jira abaar keentay biyo la,aan iyo daaqsin la,aan keentay abaar aad u daran oo saameysay xoolaha gobolka, iyadoo dhibaatooyinkaasina ay bar bar socoto collaado ka jira deegaanada qaar oo xiray wadooyinkii sahayda.
Cabdilaahi Diriye oo ka mid ah dadka xoola dhaqatada ku sugan deegaanka Buurdhuubo, markaasna u sii hayaansanaa dhinaca Jubbada Dhexe ayaa Ergo u sheegay in abaartu tahay tan khasbaysa wakhtigaan ina hayaamaan, sidoo kale wadooyinka xiranna ay dhibaato ku yihiin sidii ay u iibsan lahaayeen xoolahooda si ay ugu bedeshaan quutal daruuriga ay u bahan yihiin.
Sidoo kale hayaanka iyo abaartu wuxuu saamayn ku yeshay qiimihii xoolaha oo hoos u dhacay, iyadoo reer guuraagu ay xoolo badan soo dhoobeen sayladaha wakhtigaan, sidii Ergo u sheegay Dakhare Cabdi oo ka mid ah dulaalayda sayladda xoolaha ee Baardheer
“Roob yaraanta iyo jilaalka dabadheeraadey ee ka taagan Gobolka Gedo waxuu keenay in hoos u dhac balaaran uu ku yimaado qiimaha Xoolaha lakala siisto,waxaana suuqyada Xoolaha soo buux dhaafiyey Xoolo iib ah oo ka kala imaanaya degmooyinka Gobolka Gedo sidaasi waxaa yiri DaQare Cabdi oo ka mid ah Dulaaleyda ka howlgasha Suuqa Xoolaha Magaalada Baardheere.
Saalixi
