Dooddan waxaynu ku eegaynaa fursadaha iyo caqabadaha dhalinyarada sannad walba ka baxaya jaamacadaha dalka ee markay qalin-jebiyaan wajaha suuq aysan ku diyaarsanayn baahiyaha shaqooyin la xiriira waxa ay barteen, xili ay fursaduhu aad u yar yihiin.
Qaar badan oo dhalinyaradaas ka mid ah ayaa jiho la’aani ku dhacdaa kuwa kalena waxay samaystaan xirfado cusub oo ay nolosha ku maareeyaan. Doodda oo ay magaalada Muqdisho ku qabatay weriyehenna Maryamo Sheikh Cabdi waxaa ka qayb-gelaya Sadam Axmed Caadle oo bartay cilmiga beeraha ah isla markaasna iminka dhaqda shinnida halkaasna dhaqaale ka sameeyay, Cabdiraxmaan Cali Afrax oo bartay maamulka iyo maaraynta isla markaasna muddo saddex sano ah shaqo la’aan ah iyo Cabdulqaadir Daahir Maxamed oo isna saddex sano ka hor ka qalin-jebiyay kulliyada ganacsiga balse hadda muddo afar bilood oo qura ka shaqaynayay iibinta fermasi ku yaala Muqdisho.
