Abaabul ay sameeyeen dadka deegaanka Jiingadda oo u dhow Xingalool ayaa suurtageliyay in carruurta qoysaska halkaas deggan oo xoolo-dhaqato ah ay markii ugu horreysay helaan waxbarasho. Geed hoostiis oo sabbuurad ay u suran tahay ayay macallimiin mutaddawiciin ah ku baraan qur’aanka, qoraal-akhriska iyo maaddooyin kale.
Carruurtan waxay markii hore ku mashquulsanaayeen inay qoysaskooda u raacaan xoolaha, balse abaarta oo ceyrteysay darteed hadda waxay hammi iyo rajo wanaagsan oo mustaqbalka ah ka dhex arkaan waxbarashada.
Inkastoo arday badan oo jeclaa inay waxbartaan meel ay fariistaan looga waayay, haddana wuxuu geedku kulmiyaa carruur kala da’ weyn, kuwaas oo qaarkood ka soo lugeeya dhul miyi ah oo cabbaar u jira, sida uu warbixintan ku faahfaahinayo Maxamed Saalax oo ah weriyaha Raadiyo Ergo ee gobolka Sanaag.
