Xarunta caafimaadka ee deegaanka Xingalool ee gobolka Sanaag ayaa saddexdii bilood ee u dambeeyay qabaanayay kiisas nafaqo-darro ah. Dr. Cumar Xasan oo ka howlgala xarunta ayaa Raadiyo Ergo u sheegay in 75 kiis oo carruur ay da’doodu ka yar tahay shan sano oo nafaqo-darro hayso loo keenay.
Wuxuu tilmaamay in carruurta ay nafaqo-darrada ka qaadeen xanuunno shuban, jadeeco iyo burukiito ay ka mid yihiin oo ku dhacay. Xarunta ayaa carruurta ka daweysa xanuunnada ay nafaqo-darrada ka qaadeen, laakiin uma sameyso nafaqo celinta ay u baahan yihiin, sababtoo ah xarunta oo aysan hadda ka jirin adeegyadaas.
Haddaba sababta adeegga nafaqo celinta uusan xarunta u oollin iyo heerarka ay nafaqo-darrada halkaas ka jirto tahay waxaa dhakhtarka ka wareysatay Weris Maxamed oo ka tirsan Raadiyo Ergo, waxay marka hore weydiisay waxa hadda ka jiro deegaanka iyo adeegga xarunta sida uu yahay.
