Laba carruur ah ayaa cudurka shubanka ugu dhintay isbitaalka Banaadir ee magaalada Muqdisho axadii ina dhaaftay, iyadoo shalay oo arabac ah la keenay dad ka badan 15 bukaan, tanoo ka dhigaysa tirada hadda cudurka u jiifta isibtaalka 50 qof.
Drs Luul Maxamuud Maxamed oo ah madaxa qaybta carruurta ee isbitaal Banaadir ayaa Ergo u sheegtay cudurkaani xeryaha ka jiray tan bishii hore, uuna sii kordhayo, waxaana carruurtan barakacayaasha ah shubanku ay ka qaadeen sida ay dhaqaatiirta Banaadir Ergo u xaqiijiyeen biyaha wasaqaysan iyo nadaafad darida degaanadooda ka jirta.
