Deegaan lagu magacaabo Garre-galaay oo 25 KM u jira tuulada Yurkud ee gobolka Gedo ayaa lagu soo warramayaa inay laba carruur ah ugu dhinteen harraad iyo macaluul.
Gudoomiyaha Tuulada Yurkud Mahad Sheekh Maxamed,ayaa Ergo u sheegay in labada ee dhalay carruurta geeriyootay oo reer miyi ah ay u xaqiijiyeen in ilmahoodu u dhinteen gaajo iyo harraad,asagoo intaa ku daray in dhulka fog ee miyiga ay ka jirto biyo la,aan oo dhammaan ay gureen ceelashii laga cabbi jiray waxaa kaliya ee dadka iyo duunyadu u arooraan uu yahay ceel ku yaalla tuulada Yurkud oo biyihiisu ahayn kuwa nadiif ah.
Mahad Sheekh Maxamed,ayaa ka deeriyey xaaladda caafimaad,asagoo tilmaamay in cudurrada Duumada,Tiifowga iyo xannuunno kale ay la il daran yihiin dad fara badan,cisbitaalka tuulada Yuruk ayaa shaqeeya balse maha mid filan baahida caafimaad ee jirta.
Dadka reer guuraaga ah ee ku nool Yurud iyo deegaannada u dhaw dhaw ayaa hadda wajahaya xaalad adag oo dhanka nolasha ah oo ay sababeen abaaraha,oo inta badan dhaliya gaajo,harraad,nafaqo darro iyo cudurro kale, mana jiraan wax gar-gaar ah oo ay helaan dadkaasi dhibbanayaasha ah.
Maxamed Macallin/FO
