Maadada birta la dhaho (Iron) oo ah tan dhista dhiiga qofka bani’aadamka ku jira, iyadana ay sabab u tahay aasaaska dhiiga ayaa ah macdan muhiim u ah jirka bani’aadamka, macdantaan ayaa ah mid la shaqaysa helista oksajiinta, haddaba calamadaha markay jirka ku yaraato, ama siyaabaha loo helo ayaan waraysi kala yeelanay Xalima Nasri Maxamed oo ka tirsan barnaamijka cuntadda qaramadda midoobay ee WFP gaar ahaan dhinaca nafaqadda
S. Maxaa sababa in qofka maadada birta ay ku yaraata?
J. Waxyaala badan ayaa sababa, haweenka oo kale markay gaaraan xilliga dhiiga ay helaan waxay ku keentaa inay ku yaraato birtu, o dhiig baxaas ayaa keena, qofka oo aan helin cunto nafaqo leh ayaa iyana ka mid ah,
S. Qofku si uu u kobciyo birta ku jirta jidhkiisa maxaa looga bahan yahay inuu qofku cunno?
J. Waxyaabaha ugu muhiimsan ee laga helo IRONta waa inuu qofku helaa cunto ay ku jirto maadada Portin oo laga helo hilibka, ukunta iyo khudaarta cagaaran
S. Dadkee u jilicsan la’aanta IRON?
J. Hooyoyinka dhala ayaa u badan, sidoo kale ilmaha ka yar shanta sano ayaa iyana u ah khatar, waxaana muhiim ah in mar kasta lala socdo faya qabkooda
S. Ilmaha shanta sano ka yar maxaa la siin karaa si macdantaan kor loogu qaado?
J. Ilmaha markuu dhasho waxaa muhiim ah in loo sameeyo naasnuujin, lixda bilood ee ugu horaysa, kadibna waa in la siiyo cunto dheeli tiran oo ay ukuntu ka mid tahay
S. Dadka da’da ah iyaga ka waran?
J. Dadkaas iyaguna waxay u bahan yihiin ilaalo gooniya, waayo calooshoodu awood badan uma lahan qaadashada cuntadda, waxaase muhiim ah in la siiyo cunto isu dhow dhow oo loo yar yareeyo si uu u helo IRON ku filan, weliba la siiyo beerka, ukunta, kelyaha iyo hilibka kaleba.
S. Side qofku ku ogaan karaa in macdanta IRON ay ku yartahay?
J. Halka shay ee qofku ku dareemi karo arintaan waxaa ka mid ah, qofkii inuu nuglaado oo daal badan muujiyo, madax xanuun badan, hurdo la’aan habeenkii ah, wadnahoo garaaca, waxaase wanaagsan inaad tagto goob caafimaad oo iska baarto in IRONta dhigaagu hoosayso
S. Maxay dhib ah oo keeni kartaa haddi IRONta dhiiga ku jirtaa badato?
J. Waxay keentaa in wadnaha qofku xoog u shaqeeyo, wareer ayuu sidoo kale qofku dareemayaa, waxaana wanaagsan qofka inuu dhiigiisa cabiro markasta
S. Ma jirtaa daawooyin la qaato si kor loogu qaado macdanta?
J. Annaga WFP ahaan haddaan nahay Soomaaliya xarumaheena waan ka bixinaa dawadaas, waxaanan kula talinaynaa hooyooyinka uurka leh inay tagaan xarumahaas si ay u helaan daawooyinkaas, waana lacag la’aan.
MH
