Carruurta dadka la hayb sooco kana soo jeeda qoysaska dan yarta ah ayaa markii ugu horreysay waxbarasho bilaash ah looga bilaabay dugsiyada ku yaalla magaalada Cadaado ee gobolka Galdguud, kaasoo ay ka faa’ideysanayaan 50 arday oo isgu jira gabdho iyo wiilal.
Xaliimo Maxmed waa gabar 15 sano jir ah waxayna ka mid tahay 5 carruur ah oo qoyskeeda ka soo jeeda oo deeqdan waxbarasho ee nidaamiga ah ka faa’idayenya, “ anigu aad baan ugu faraxsanahay in aan helo waxbarashada waayo reerkayagu waa dan yar oo ma awoodaan in ay iga bixiyaan lacagta lagu dhigto iskuulada, markii hore guriga ayaan iska joogi jiray dugsina waan dhigay jira balse aad ayaan ugu baahaan waxbasho hadda waxaan fadhiyaa fasalka afaraad ee dusiga hoose dhexe..” Ayey tiri.
Maxamed Xaashi Keynaan waa aabaha Xaliimo wuxu Ergo u sheegay in 5 ka mid ah carruurtiisa ay billaabeen tacliinta oo isgu jira 3 gabdhood iyo laba wiil, kuwaasoo qaarkood ay qaban jireen iskuulka ka hor inay duurka ka soo guraan qoryo iyo xabag kadibna ay ku iibin geeyaan suuqa oo lacagta ay ka helaan cunno ku gadan jiray inta ka soo hartana ay reerka sonkor ugu soo iibin jireen, “ balse hadda aad baan ugu faraxsanahay inay waxbartaan waayo welwel bay igu haysay arrintan maadaama aanan awoodin dhaqaalaha..” sidaa waxaa Ergo u sheegay Maxamed.
Maxamed Tahliil waa macalin wax ka dhiga dugsiga hoose, dhexe iyo sare ee Cadaado oo ardeydan ay wax ka baranayaan wuxuu sheegay in arrintan ay wax badan ka badali doonto nolasha qoysaskan oo barnaamijkani uu noqon doono mid bulshada u horseeda isdhaxgal oo meesha ka saara faquuqa iyo haybsooca, ayna ka soo qaybgali doonaan arday badan oo aan awoodin dhaqalaha.
Cumar Warsame Xirsi wuxuu ka mid yahay aqoonyahanka isku hawlay in barnaamijkan ah carruurta loogu deeqay waxbarashada u wax badan ka bali doono hab dhaqanka bulshada, asagoo intaa ku daray in dhaqaalaha ku baxaya ay iska kaashanayaan aqoonyahanka degmada iyo waxgaradka, sanado kadibna la heli doono umad wada siman oo aqoon leh.
Maxamuud Cabdi Diirshe/FO
