Jowhar: Kumanaan qoys oo ku hanti beelay fatahaadda webiga Shabeelle

0
Mid ka mid ah qoysaskii fatahaada ka soo barakacay oo harsanaayo geed hoostiisa/Maryan Sheikh Cabdi/Ergo

(ERGO) – In ka badan shan kun oo qoys oo isugu jira xoolo dhaqato iyo beeralay ayaa ku barakacay 10 tuulo oo uu ku fatahay webiga Shabeelle iyo roobab mahiigaan ah oo ka da’ay degmada Jowhar. Fataahadda webiga ayaa waxaa sababay marki ay go’een laba buq oo ku kala yaallay tuulooyinka Baarreey iyo Mooyko oo ka wada tirsan Jowhar.

Dadka tuulooyinka ayaa ku soo toosay biyo qulqulaya habeen saq- dhexe ah, aan la filayn khatar fatahaad ah.

Xaawo Moolkaal Muqtaar oo haysta 12 carruur agoon ah ayaa meel bannaan ku hoyaneeysa muddo 11 casho ah. Gurigi ay daganayd oo ku yaallay tuullada Baarrey iyo agabki dhexyaallay waxaa qaaday biyaha.

“Ilmahii waa igu dhagan yihiin meel aan wax uga keeno malahan saacan wax yar oo bariis cadde ah oo la ikeenay ayaan mushaari uga dhigayaa meel banaan ah oo kanaalka korkiisa ayaa robabka iyo kaneecada nagu haystaan guri warkiis majiro”

Hoyga Xaawo oo ahaa hal qol iyo barsad ayaa xilli habeen ay biyaha galeen,  waxaana u suuro gashay in carruurta ay badbaadiso oo ay ula carrarto meel tag ah oo ay dadkan oo dhan isugu tageen. Raashinki iyo guud ahaan agabki waxaa la tagay biyaha oo waxba kama badbaadin.

Qoyasas gaaraya 951, ayaa ku sugan meel buur ah oo kanaalka korkiisa isla markaana geedaha cambaha ka dhigtay gabbaad. waxaan taas u dheer roobabka oo wali da’aya, Qoysaskan aya ago’doon ku ah tuulada maadaama dhan ay ka xigaan halka dhanka kalana uu ka xigo webiga.

“Marka uu roobku imaado waxaan ilamaha u kala qaybiyaa sedex reer oo haysta bacaha roobka, dhaxanna way jirtaa kaneecada way buuxdaa caleemaha cambaha oo soo daatay ayaa loo shidaa si ay u kala cararto,” ayay tiri Xaawo.

Biyaha ka soo baxay tuulooyinka Mooyko iyo Baareey ayaa kala xiray wadooyinka waqooyi iyo koonfureed ee xiriiya Jowhar, Muqdisho iyo Baladweyne,  waxaana wadada dhanka waqooyi looga soo safraa doomo. halka dhanka koonfureed masaafo dhan 3 km gaari dameer ay dadka ku gudbaan.

Biyaha ayaa dhibaato u gastay tuulooyinka kala ah Baareey, Mooyko, Libiga, Xaanshooleey, Dhaay-gawaan, Buulowaas, Maxamed-dhiblaawe, Bannaaneey, Damasha iyo Liinta.

Gudoomiyaha gobolka Shabeelaha dhexe Axmed Meeyre Marakaan, ayaa sheegay in marka laga soo tago barakaca ay fatahaaddu saamaysay  beeraha, waxaana ku baab’ay dalaggi saarnaa 10,000 kun oo higtar oo qaarkood dhawaan la goosan lahaa.

Inkastoo maamulka oo kaashanaya ganacsatada ay isku dayeen inay xiraan labada buq ee biyaha sababay ay ku guuldaraysteen buqda baarrey balse ay xireen Buqda tuulada Mooyko, laakiin buqda barreey waxay go’day 40 km ooxagal ah, qalabka ay u baahan tahay Jowhar lagama helo, taas ayaa keentay in aan durbo xiri wayno,” ayuu yiri gudoomiye Axmed.

Khadro Muxumad Cismaan waxay ka mid tahay dadkii degenaa tuulada Mooyko ee duleedka degamada Jowhar waxay biyaha ka galeen afar qol oo cariish ah iyo beer sedex hiktar ah oo ay u saarnaayeen dalagyo khudaar u badnaa, inkasta oo qaarood ay goosatay. Hadda waxay dulsaar ku tahay wiil ay dhashay oo xaas leh.

”Biyaha inta aysan beerta soo galin waxaan suuqa iib u geeyay bocor, kabsar caleen iyo kudaare kale laakiin maalmo kadib masiibadan ayaa dhacda,y meel fiid cows ah laga soo gurto xitaa malahan, waxaan hadda ku maareeyaan qoyska khudaar aan dayn ku soo qaato oo markaan iibiyo aan iska bixiyo lacgta,” ayay tiri Khadar.

Jawaab ka bixi

Please enter your comment!
Please enter your name here