Dadaallo looga hortagayo in cudurka Koroona uu ku faafo xeryaha barakaca ee Hargeysa

0

Hay’adaha gargaarka ee ka shaqeeya adeegyada dadka ku nool xeryaha lagu barakacay ee gudaha dalka ku yaalla ayaa wada dadaallo looga hortagayo in cudurka safmarka ah ee Koroona uu ku dhex faafo kaamamka. Magaalada Hargeysa oo ka mid ah meelaha dadaallada laga wado waxay ka sameeyaan wacyigelinno dadka barakacay ku dhiirrigelinaya inay taxaddar ka muujiyaan cudurka oo meelo badan oo dalka ah ku faafaya.

Xeryaha waxaa loogu nool yahay si habacsanaan ah oo la is-dhex-deggan yahay, waana ciriiri iyo saxmad, iyadoo ay taas u sii dheer tahay nadaafadda oo liidata iyo adeegyada caafimaadka oo aan ka wada jirin.

Haddaba howlahaasi waxaan ka wareysannay Maxamed Bakaal oo ah kaaliye sare oo la shaqeeya hay’adda Qaxootiga Qaramada Midoobay ee UNHCR xafiiskeeda ku howlan arrimaha dadka gudaha ku barakacay ee xeryaha magaalada Hargeysa, isla markaana ah la-hoggaamiyaha ardaaga isku-xira adeegyada xeryaha barakaca ee hay’adaha samafalka.

Halkan ka dhegeyso wareysiga oo Maxamed oo ku sugan Hargeysa uu online-ka kula yeeshay Cabdiraxmaan Taysiir.

Jawaab ka bixi

Please enter your comment!
Please enter your name here