Mudug: Qoysas ka faa’iideysanaya ceel laga qoday Tuulada Farxaan

0

(ERGO) – Kiin Jaamac Warsame waxaa ay muddo bil ku dhaw ay ka raysatay welwel ka haystay helitaanka biyo kaddib markii Tuulada Farxaan oo ay ku nooshahay laga hirgeliyay ceel biyood 20kii bishii Oktoobar.

Tuulada Farxaan waxaa ku nool in ka badan 150 Qoys ayaa magaalada Xarfo oo u jirta 15 Km dhanka Koonfureed. Ku dhawaad seddex-meelood-meel qoysaska tuulada ayaa ah kuwa ay soo barakiciyeen abaarahii ku dhuftay dalka. Waxay Raadiyow Ergo u sheegtay in 150 Neef oo ari ah ay ku weysay abaarihii la soo dhaafay.

“Deegannada sidii abaaraha uga dhaceen, berkadihii biyo ma gelin, dadka berkadaha biyaha ku shubta ayuun baad ka baryeysay, haddase dhibkaas waan ka baxnay” ayay Tiri Kiin.

Sida ay dadka sheegayaan, deegaankaan weli kama da’in roobabkii dayrta. Kiin ayaa Raadiyow Ergo u sheegtay in caagga biyaha ah ay ku iibsan jireen 9,000 shilin Somali ah.

“Biyo cagaaran oo aan la cabi karin, baraagtu waa weel, weelna hadii biyaha ka dhamaadaan la guma xisaab tamo. Hadda biyaha aan helnay dhulkay ka soo baxaan waa matoor solar ah,” ayay tiri Kiin oo intaas raacisay in dhibta kaliya ee hadda haysata ay tahay ceelka biyaha oo gurigeeda ka fog.

Waxaa sidoo kale soo dhaweeyay ceelka la hirgeliyay Yaasiin Maxamuud Axmed oo xoolo ku dhaqda meel seddex km u jirta tuulada.

“Gacanteen ayaan kaga soo dhaansanaa, xoolahana waan ka waraabsanaa, waana bilaash, horay berkado ay dad leeyihiin oo lacag ah Ayaan ku tiirsanayn,” ayuu yiri Yaasiin oo intaas ku daray in marka ya biyaha ka dhamaadaan biyaha ay dadka deegaanka ay lacag iska aruurin jireen taa oo ay ku iibsan jireen booyado biyo ah. Halki booyad ee 50 qaad ah ayaa waxay deegaankan ku imaan jirtay lacag $70 ah.

Gudoomiyaha tuulada Farxaan Sahro Macalin Maxamed ayaa Raadiyow Ergo u sheegtay in goobta uu ceelka ka qodan yahay ay sahmiyeen injineeradii ceelka dhisayay.Waxaa hirgeliyay ceelka hay’ad maxaligaa ah oo lagu magacaabo Zamzam Foundation.

Post your comments

Jawaab ka bixi

Please enter your comment!
Please enter your name here