Wiil naafo ah oo jaamacad dhameeyay kuna hamminaayo in uu u adeego bulshada

0
Mowlid Cali Dugow /Fardowsa Sheekh Cabdiraxmaan/Ergo

(ERGO) – Mowlid Cali Dugow, waa 25 jir naafo ah todobaadkii tagay ayuu ka aflaxay jaamacadda Jaamacadda Caalamiga ah ee Soomaaliya (SIU) waxa uu doonayaa in uu beddelo dunida waxna ku soo kordhiyo.

Da’yarkan aragtida wanaagsan waxa uu ka soo jeedaa Degmada Xamaas ee gobolka Hiiraan.

Awoodiisa waxa uu u weeciyay dhanka tacliinta tan iyo markii uu waayay lugahiisa.

Kaddib markii uu ku dhacay xanuun aan la aqoonsan waxaa loo soo qaaday Muqdisho si loogu daweeyo balse dhakhaatiirtii loo keenay waxay u sheegeen inaysan waxba ka qaban karin xaaladiisa.

“Markii hore waxaan isticmaalaayay labada birood ee gacmaha la gashto ee lagu socdo oo dadka lugaha ka go’anna ay qaataan, xogaa kolkii hore gacmaha ayaa xoog ii lahaa balse gacmaha ayaa soo tabar yareeyay, markaas waxaan awoodi waayay in aan birahayga ku socda. Kadib waxaan bilaabay in aan ku socdo gaari yar oo kuwa naafada loogu talo galay ah ilaa aan dugisa sare ka dhameenaayey,” Mowliid ayuu yiri.

Muqdisho ayuu ka dhameeyay dugsiga hoose, dhexe iyo sare isaga oo galay kaalmaha hore imtixaanka dugsiga sare.

Mowlid oo ay gurigiisa ku waraysanayso weriyaha Radio Ergo, Fardowsa Sheekh Cabdirahmaan/Ergo

Mowliid waxa ka soo jeedaa qoys dan yar ah waxa uu dirsaday codsi deeq wax-barasho waxaana aqbashay jaamacadda SIU.

“Waxaan ku doortay in ay tahay maado ahlu xal ah taas badi dadka dunida wax ka badalayna ay iyadu barteen oo u baahntahay fakir iyo caqli. Runtii waa sax marka Soomaaliya joogto waxa ay u baahantahay indho-faro-ka-galis iyo lacag laakiin dunida kale markaa fiiriso sidaa maaha waa ay ka duwantahay sida soomaaliya. Ani ahaanteyda ma aaminsani inaan ahay nin ku gali doono xoog iyo lacag ee waxaa aminsanahay inaan ku gali doono inaan ahay nin dalkiisa iyo dadkiisa jecel inuu wax u qabto,” ayuu yiri Mowlid oo ku hamminaayo in tacliinta uu bartay uu dalkiisa wax ugu qabto.

Mowliid waxa uu shaqaalaha wax ka dhiga jaamacadda iyo Sideetan iyo lix ardaya oo ay isku fasal ahaayeen ayuu ku ammaanay caawinta uu ka helay taas oo keentay in uu ka gudbo caqabadihii soo wajahay.

“Si weyn ayaa la ii caawinayey intaa ku gudo jiray afarta sano ee waxbarashada waxaana ku dhiganayey qol leh wado uu mari karo gaarigayga naafada. Ardayda kale ee asxaabteyda ah ayaa iga caawiyay waxkasta oo aan ubaahanahay,” ayuu yiri Mowliid.

Mowliid Cali isagoo isticmaalaya mootada dadka laxaadka la’ ayuu kaga imaanyey gurigiisa illaa iyo iskuulka.

Waxaa uu xasuustaa maalin maalmaha ka mid ah oo uu la kulmay shil markaa oo uu ku dhacay gaari qaad siday oo ku socday xaawarana.

 

 

Post your comments

Jawaab ka bixi

Please enter your comment!
Please enter your name here