Warshad saabuunta samaysa oo laga hirgeliyay Kismaayo

0
182

(ERGO) – Shucayb Barre Cilmi waxaa uu ka mid yahay dadka shaqo abuurka ka helay warshad soo saarta saabuun marista oo laga hirgeliyay magaalada Kismaayo bishan.Waxaa uu hadda qaabilsan yahay nadaafadda xarunta iyo diyaarinta agab-ka wax lagu qasso.

Wuxuu Raadiyow Ergo u sheegay in uu hadda ku shaqeeyo lacag dhan $150 dollar,oo uu ku maareeyo nolasha qoyskiisa oo ka kooban siddeed qof.

“Mushahar joogta ayaan helay, reerka Raashin ayaan u soo qaadanayaa  oo aan walwal lahayn , dukaamadii waa i aaminayaan oo daynta ayaan ka soo qadaanaya, meeshaas ayaan ka shaqeeya ee igu simma reerka oo raashin u soo dhiiba ayaan leeyahay,” ayuu yiri Shuceyb oo labo sano ka hor ka soo laabtay xeryaha qaxootiga ee Dhadhaab..

Shuceyb ayaa horay ugu shaqayn jiray gaari gacan kaas oo suuqa kaga xaamalan jiray balse waxaa uu sheegay shaqadda gaadhi gacanka ay tahay shaqo aan si joogta ah.

Shan dhalinyaro ah ayaa bilaabay fikraddan ganacsi ee warshad soo saarta saabuunta marista ee dharka lagu dhaqo, sida uu Raadiyow ergo sheegay Xassan Aadan Cabdi oo ah maamullaha Warshadda Samaysa Saabuunta Wanaag Soap.

Warshadaan ayaa wax soo saarkeeda bilowday 19kii bishaan waxaana maalintii ay soo saartaa 37 Kartoon. Xassan ayaa sheegay in warshadaan ay tahay middii ugu horaysay ee nooceedda ah ee laga hirgaliyo  Kismaayo.Waxaa uu intaas raaciyay in ay iibiyeen 120 kartoon oo saabuun ah tan iyo markii ay warshada shaqada bilawday.

. Ganacsigaan ayaa waxaa dhalinyaradaan u maagalisay hay’adda ARC oo dhaqaale ka helaysa hay’adda Sileacht oo fadhigeedu yahay dalka Qadar,waxaana mashruucaan oo la bilaabey bishii sagaalad ee sanadkii aan soo dhaafnay ee 2018  loogu talagalay in uu shaqooyin u abuuro ilaa 3000  dhalinyaro ah .

Warshadaan ayaa waxaa ay shaqo abuur u Samaysay ilaa 12 qof oo shan ka midda ay yihiin dumar kuwaa oo ka imaaday qoysaska danyarta ah ee xaafadda midnimo oo ah goobta ay ku taalla warshadda.

Maamullaha Shirkadda Wanaag Soap ayaa sheegay in waxyaabaha kiimikadda ah iyo dareerayaasha kale ee laga sameeyo saabuunta ay uga yimaadaan dalka Kenya.

Madaxa xafiiska maalgalinta ee hay’adda ARC, Cabdulaahi Xasan Cali ayaa sheegay in dhalinyaradan ay buuxiyeen shuruudihii lagu maalgalinaayay dadka.

Cabdulaahi ayaa intaa ku daray in dhalinyaradan hal abuurka ganacsi ee ay la imaadeen loogu maalgaliyay lacag dhan $7250 dollar.

“Shuruudaha waxaa ay ahayd in dhalinyarada u dhaxaysa 18 ilaa 35 loo sameeyo maalgaliyo, sidaa awgeed waxaan aragnay dhalinyaradan in ay ku jiraan shurudihii loogu talla galay in ay buxiyaan in ay buxiyeen, haddii la arko in ay shaqaysan karana waxaa laga yaaba in wax loogu darro,” ayaa yiri Cabdulaahi.

Post your comments

Jawaab ka bixi

Please enter your comment!
Please enter your name here