Roob ay dad ku dhinteen oo ka da’ay magaalada Hargeysa

0
68
Dad nadiifinaayo goob uu roob Hargeysa ka da'ay burburiyay/Ilyaas Cabdi/Ergo

(ERGO) – Ugu yaraan seddex qof ayaa ku dhintay, siddeed iyo toba kalena way ku dhaawacmeen kadib markii roob dabayslo wato ka da’ay magaalada Hargeisa iyo daafaheeda.

Guddoomiyaha gobolka Maroodijeex ee Somaliland, Axmed Jaamac ayaa Raadiyow Ergo u sheegay in roobka oo bilowday galabnimadii shalay uu sababay dhimasho iyo burbur hantiyeed oo ka dhacay qaybo ka mid magaalada.

Ilaa 67 guri oo uu ka mid yahay isbitaal lagu daweeyo dadka dhimirka ka xanuunsan ayaa la sheegay in ay ku burbureen roobabkaas.

Sida uu sheegay guddoomiyaha, seddexda qof ayaa dhintay kadib markii baalle koronto uu ku kordhacay darbi taa oo sababtay in uu darbiga ku kordhumo dadkaas.

Dhacdadaan oo sidoo kale ay ku dhaawacmeen labo qof ayaa ka dhacday meel u dhaw iskuulka Jiifka ee Amana.

“Roobab biyo badan ma aysan ahayn, waxay ahaayeen roobab dabaylo wata, dabaylo aad roobab biyo badan ma aynan ahayn, waxay ahaayeen roobab dabaylo wata, dabaylo aad u xooggan ayay wateen oo birihi layrka dhulka dhigay, oo guryaha jiingadda ka qaaday, oo guryo badan dumiyay, hadda dhimashada ilaa seddex qof ayaa xalay isbitaalka Hargaysa maydkooda la keenay, ilaa 18 qof oo kalena waa la soo gaarsiiyay,” ayuu yiri Axmed.

Sarkaalkan ayaa sheegay in the dowladda ay weli wado xog uruurinta ku saabsan qasaaraha uu gaystay roobka.

“Ilaa hadda kormeer yaan ku jirnaa, xalay oo dhan kormeer ayaynu ku jirnay, haddana waxaynu maraynaa dhulkii uu qasaaraha ka dhacay, waxaan kale oo aan ku soconaa iyadana shan qof ay ku dhaawacantay isbitaalk dhimirka ah oo Sahan la yiraahdo,” ayuu yiri guddoomiyaha.

Rakaab iyo gaadiid badan ayaa ku xayirmay in ka badan lix saacadood togga Aw-Barqadle kadib markii uu biyo keenay.

Post your comments

Jawaab ka bixi

Please enter your comment!
Please enter your name here