Dhalinyaro isxilqaamay oo xarun caafimaad u dhisay qoysas abaar ka soo barakacay

0
118

(ERGO) – Hooyada iyo dhallaanka ku nool xaafadda Jowhar-bila oo ay degan yihiin dad ka soo barakacay abaaraha iyo dagaallo ayaa ka faa’ideysta adeegyo caafimaad oo bilaash ah xaafadaas oo ku talla magaalada Jowhar ee gobolka Shabeellada Dhexe.

Xaruntan oo ah MCH ayaa waxaa bilowgii sanadkan isku xilqaabay in ay furan dhallinyaro ka baxday kulliyadda caafimaadka. Baahida ugu way ee ay dabooshay ayaa ah in xilliga habeenkii ah ay ku umulaan haweenka oo aan awdoodin inay aadaan isbitaallada kale ku yaalla magaalada amaanka awgiis.

Xaliimo Qaaseey Aaddan 21 sano jir ah  haystana laba carruur ah ayaa ka mid ah haweenka ku umulay MCH-kan. Xaliimo iyo qoyskeeda oo xolo dhaqato ahaan jiray ayaa ka soo barakacay tuulada Jariirow oo 50km u jirta magaalada Jowhar dhanka galbeed.

“Meel sariir u eg ayaa leysaaray, aniga waxaan sugaayay sakiin iyo midi yar waa lagu qali rabaa ayaan is iri, waa booday,  waa leey tuugtuugay lagaha meel ayaa leey galiayay, si fudud ayaan ku dhalay,” ayey tiri Xaliimo.

Qoyska Xaliimo oo markii ay ka dhammaadeen 150 neef oo ari abaarta awgeed ugu soo guuray magaalada Jowhar ayaa wiilkeeda curad ku dhashay miyiga, waxaana xilligaa loo geeyay umuliso dhaqameed can ka ahayd deegaanka.

Sahro Xasan Cali oo ka mid ah laba umuliso oo ka howla xaruntan ayaa sheegtay in haweenka ay la socdaan xaaladooda. Waxay sidoo kale u sameeyaan wacyigelin ku saabsan muhiimadda hooyada uurka leh ay u leedahay inay ay tagto xarumaha caafimaadka, si loo la socdo xaalkeeda iyo kan ilamaha.

“Maalintii hadba sida ay noogu yimaadaan, oo si tartiib ayay u soo fahmayaan, baranayaan  laakiin habeenkii ayay badan yihiin, madaama habeenkii xaafadda ay gees xigto, xagaa gaari raacana ay san jirin, haddii aan la kulano hooyo halis ku jirta, sida gargaarka degdega ayaan u sameeynaa madaama anan heysan computer iyo ultasona lagu eego, isbitaalada waawayn ayaan u dirnaa laakiin qalabka kale wuu noo dhan yahay, waxaan leenahay halbaabuur oo aan ku qaadno haddii hooyo halis ah aan la kulanno, kuwa caadiaga ahna waan ka dhalinaa waxqabadkii aan sameynay muddadii uu furnaana wax weyn ayay ka badashay haweenka xaafadaan oo way ku soo xirmeen xarunta,” ayay Sahro.

Tan iyo markii la furay xaruntan ayaa waxay qaabishay in ka badan l12,000 oo bukaann oo isugu jira carruur, haween iyo dad kale sida uu xaqiijiyay, Dr Maxamed Cabdi Nuur oo ah maamulaha MCH-kan.

Sedex iyo todoban dhallinyaro ayaa iska lahaa fikirka lagu aasaasay xaruntan.

Faadumo Cali Xasan oo haysta  shan carruur ah ayaa xaruntan ku umushay wiilkeeda ugu yar oo jira oo afar bil jira.

Waxaa ay ka soo barakacaday deegaanka buulo-baraako oo 35 KM u jirta magaalada Jowhar oo ay xoolo ku dhaqan jireen kadib markii ay abuur ka dhamaysay xoolahoodii.

“Ilaahaa  noo gargaaray,  si  fiican ayaa la ila dhaqmay, dadkan sidee ayay kuula dhaqmi doonaan ayaan lahaa  laakiin ilaahay umulisooyin fiican ayuu ila kulmiyay, gabdhihii xaafadda ku silicsanaan jiray way ku dhalaan, sidoo kale talaal  ayay bixiyaan, sisiyeeriyaal xitaa waa na la siiyay, waan ku nasanay,” ayay tiri Fadumo.

Post your comments

Jawaab ka bixi

Please enter your comment!
Please enter your name here