Dhoobleey: 500 oo qoysas barakac ah oo la siiyay bacaha roobka

0
286
Sawir: kayd

(ERGO) – Qoysas barakacayaal ah oo ku nool xerada Dan-waad ee magaalada Dhoobleey  oo uu saamayn ku yaashay roobka guga oo si fiican uga da’ay halkaas ayaa hadda waxaa ay heleen baco ay saartaan guryahooda oo ka  samaysan oo cooshado.

Qoyasaskaas waxaa ka mid ah Gammaalo Cali Aadan oo toddobaadki hore roob socday 12 saacdood uu saamayn lixaad leh ku keenay.

“Roobkaa daraadii dad nool ayaa nagga dhiman gaadhay. Xaafado noo dhow oo aan galno malahayn oo caruurtii waa qadhqadheen.  Sidaan ugu rafaadaayay oo marba meel maryo uga saarayey ayuu roobkii nagga qaaday,” ayay tiri Gammaalo oo la hadashay Raadiyo Ergo.

Labadii maalin ee ugu danbaysay dhoobley waxaa ka da’ay ilaa sadex roob oo lixaad leh,

Gamaallo oo ay seygeedii kala tageen ayaa ah qof-ka kaliya ee u shaqeeya sideed caruur ah oo kan ugu wayn uu yahay 12 Sanno jir.

Gammaallo wxay ka shaqaysaa dhar dhaqaal ah oo maalintii ay ka hesho lacag dhan 40,000 Soomaali ah oo u dhiganta 1.5 bar, taas oo ay ku maarayso nolasha reerkeeda.

Ayadoo ka hadlaysa sida ay wax ugu tareen nolasheeda bicihii la qaybiyay, ayay Hooyadan ayaa sheegtay  in qoyskeedda uu san wax saamayn ah uu san ku yeellan  roobabkii shalay iyo doraad ka da’aayey  dhoobley.

Waxayna intaas raacisay in wax alaaba aysan ka qoyin maadama ay ka mid ahayd dadkii la siiyey baha roobka celiya.

Dadka ay Gammaalo ayaa waxaa kale oo la siiyay maacuun, gogol iyo bustayaal.

Guud ahaan qoysaska la caawiyay ayaa ah 500.

Adeeggan ayaa waxaa bixiyay hay’adda UNHCR iyo Gudga qaxootiga Jubbaland sida uu inoo sheegay madaxa xafiiska gudiga dadka baracay iyo qaxootiga, Axmednuur Cabdi Maxamed.

Wuxuu sheegay in hay’adda  UNHCR iyo gudigga ay sameeyeen sahan ay ku ogaanayeen dadka ay hayso hoy xumada maadama hadda lagu gudda Jirro xiligga roobka,.

“Waxaan badanaa isticmaalna hadaan ruuxa baahidda uu qaabo iyo dadka sidda ay u kala daran yihiin. Waxaana aan soo xulnay dadkii ugu jilicsanaa qaasatan dadkii ugu danbeeyey ee imaada xeryaha barakacaaysha,” ayuu yiri Axmednuur.

Bishaaro Maxamed Cali oo ku nool xeradda Barakacayaasha Nasiib ayaa iyaduna waxaa ay ka mid tahay  qoysaska uu sida wayn u saameeyey roobka gugga oo ka da’aayey dhoobley.

Bishaaro ayaa sheegtay in roobka oo da’aayey muddo saacado ah uu sababay in uu daad soo galo gurigeeda.

“Intii uu roobku socday ayaan waxaan caruurta laba geed u sudhay meel taag ah oo aan bakado kor ka saaray halkaas ayaan roobka ka jirsanay,” ayay tiri.

Qoyska Bishaaro nolashoda waxaa ay ku tiirsan tahay xaabo ay u raadiso baadiyaha Dhoobley taas oo ay ka iibiso maqaayadaha cunnada ee dhoobley.

Waxaana maalintii ay ka heshaa 50,000 shilin Soomaali ah,taas oo ay ku maarayso nolasha farteedda caruurta ah.

Magaaladda Dhoobley ayaa waxaa ku nool 5150 oo qoys oo barakacayaal ah kuwaas oo ah dad beeralay ah iyo dad xoolo dhaqato ay saameeyeen abaarihii dalka soo maray.

Post your comments

Jawaab ka bixi

Please enter your comment!
Please enter your name here