1 milyan oo xoolo ah oo cudurro laga tallaaley bartamaha Soomaaliya

0
161
keddka Ergo

(ERGO) – 

In ka badan hal milyan oo ari ah ayaa laga tallaalay cudurada jadeeco madowda iyo furuqa todobadkii hore gobolka Galgaduud ee bartamaha Soomaaliya.

Tallaalka waxaa laga fuliyay tuulooyin hoostaga Dhuusamareb, Cadaado, Caabudwaaq, Guriceel iyo Ceelbuur wuxuuna yimid markii la arkay kiisas jadeecada xoolaha iyo furuqa.

Sida uu sheegay Dr Suleymaan Maxamed Saalax oo ah madaxa ururka dhaqatiirta ee gobolada dhexe (CERALPA) waxaa fulinaya talaalka 20 shaqaale oo ay ka mid yihiin dhaqatiir iyo shaqaale kale ayaa lagu soo wareejiyay tuulooyinka iyo meelaha fog fog si loo tallaalo xoolaha wuxuuna socday labo bilood.

Dr Suleymaan ayaa raadiyaha Ergo u sheegay in qiimeyn la sameyay bartamihii 2018 lagu oday in ay cuduradu ku jiran degaanada waxaana ololahan taagerayay ururka cunada iyo beeraha ee FAO. Waxaana tallaalka la abaabulay markii jawaab deg deg ah laga helay goobaha la daraaseyay.

“Tallaalada waxay ka ilaali donaan xoolaha cudurada xoolaha dhaqadataduna waxay ka kori donan qasaaraha dhaqaale ee ay

sababeen cudurada iyo dhimashada xoolaha “ ayuu yiri Dr Suleymaan.

Kooxaha tallaalku waxay tageen 20 tuulo waxaana ay la kulmeen 8,000 oo qoys oo tuulooyinkaas ku nool kuwaas oo arigoda la tallaalay.

Xoolaha ayaa ah meelaha ugu badan ee ay weli ku tiirsan yihiin qoysaska Soomaaliyeed sida laga soo xigtay FAO. Soomaaliya waxay dhoofisay 5.3 milyan oo xoolo badana ku nool gobolka gacanka wuxuu ka helay wadanku $384 milyan.

Si kastaba ha ahaatee xayiradaha soo noqnoqonaya. Gaar’ahan Sacuudiga ee ku saabsan cudurada waxay si xun u sameyeen dhoofka xoolaha ee suuq dhaqameedka.

Cabdiraxmaan Barre Maxamed oo ku nool tuulada Diiriye Xasan oo 35km Guriceel uga began dhanka waqooyi ayaa sheegay in ololahan tallaalka uu siiyay hubin ah in xoolihiisa ay badbadaan.

“xitaa xoolaha jiran ayaa soo kabsaday kadib markii la tallaalay waxaan ku dadaaleynaa sidii aan ku heli laheyn daawooyinka xoolaha waxaan soo dhaweyneyna talabadan waxaay naga caawineysa in aan helno xoolo caafimaad qaba” ayuu yiri

Cumar Shidane Cabdulle oo ku nool tuulada labi-arag oo bari ka xigta magaalada Guriceel ayaa sheegay in 18 ka mid ah 150 xoolihiisa ay u dhinteen jadeeco wuxuu kalo ku faraxsan yahay in xoolihii soo haray loo tallaalay.

Post your comments

Jawaab ka bixi

Please enter your comment!
Please enter your name here