Bulshada oo soo dhoweysey mamnuucidda jarista dhirta

0

Xoolo dhaqtada, beeralleyda iyo dhammaan bulshada ku nool tuulooyinka hoose taga dagmada Baardheere ayaa sheegay inay faa’iido ka arkeengo’aan maamulka iyo odayaashu ku joojiyeen jarista dhirta iyo xaalufinta deegaanka.

Axmed Maxamed wuxuu ka mid yahay odayaasha ku nool tuulada Afyare oo 13 Km waqooyi ka xigta Baardheere, ayaa Radio Ergo u sheegay in go’aankan u yahay mid wanaagsan oo wax tar u leh xoolo dhaqatada iyo dadka beeraleyda ah waayo waxay ka helaan faa’idooyin ay ka mid yiin in dadku harsadaan xooluhuna daaqaan,

Cabdullaahi Diiriye waa nin xoolo dhaqato ah wuxuu Ergo u sheegay in dhirta xoolaha iyo dadku u baahan yihiin, xooluhu waxay ku nool yiin wixii ay daaqaan dadkuna xoolaha ay ku noolyiin haddii marka dhirta la xaalufiyo waxaa meesha ka baxysa noolashada dadka iyo duunyada waxana dilaacaya cudurro, wuxuu intaa ku daray in geedo ay ka mid yihiin quraca iyo Hareeriga ay ku dhawyihiin inay dabar go’aan.

Axmed Muuse waa khabiir dhanka deegaanka ah horayna wuxuu uga so shaqeeyey wakaaladdii daaqa ee Soomaaliya, wuxuu sheegay in dhirtu ay difaac u tahay dadka iyo duunyada waayo waxay yaraysaa dabeysha, in dhulku noqdo saxaro cidlo ah, waxay soo jiidataa roobka waxaa loo isticamaalaa caafimaadka, waxaa laga dugsadaa kulelyka cadceedda, sidaa darteed haddii deegaanka dhirta laga xaalufiyo waxaa ka dhashada dhibaatooyin fara badan sida in dadka iyo xooluhu u hayaamaan deegaanno kale ayago oo raadinaya daaq iyo noolal.

Sanadkii la soo dhaafay bilowgiisii ayaa laga mamnuucay jarista dhirta qoyan iyo xaalufinta deegaanka degmada Baardheere iyo dhammaan tuulooyinka hoostaga, guud ahaan Soomaaliya ayey ka jirta jarista dhirta inkastoo la sameeyo wacyi galin fara badan si loo joojiyo arrintan.

Axmed Cumar Saalixi

Post your comments

Jawaab ka bixi

Please enter your comment!
Please enter your name here