Muqdisho: Gabdho bilaabay inay ka sameeyaan bacaha la tuuro xarko dib loo isticmaalo

0

50 gabdhood oo da,yar kuna nool Muqdisho,  waxna ka barta goobo waxbarasho oo kala duwan ayaa bilaabay inay ka qeyb qaataan nadaafadda xaafadaha degmooyinka  gobolka Banaadir. Gabdhahan ayaa iyagu uruuriya  bacaha lagu adeegto ee la iska tuuro kuwaas oo aad u xumeeya bilicda iyo saxadda dhibaatana ugeysta xoolaha iyo deegaanka, waxaana ay ka sameeyaan xarko qurxoon oo wax tar u leh bulshada lacagina ka soo gasho.

Gabdhahan ayaa hawshaan waday mudo 3 bilood ah, iyagoo xarkahay sameeyaan loo iibsado kuwa guryaha dharka looga warto, xoolo dhaqataduna ay xoolahooda ku xirtaan kuna waraabsadaan.

Qaali Jiinoow Cali waa 18 jir, waxayna madaxa u tahay gabdhahan  50 ka gaarayaa waxay  Radio Ergo u sheegay “Dadka qashinkay ku daraan bacaha markay isticmaalaan, haddii xitaa la duugo ma baaba’do, deegaankiina way xumaynaysaa, waxaa nagu dhaliyey markaan aragnay dhibaatadaas deegaankaas, markii hore tijaabo ayaan ka qaadnay in xarig laga samayn karo, dadku way nala yaabeen runtii markii hore, markii danbese waxaa soo baxay xarig qurux badan oo 4 kun oo shillin laga siisanayo suuqa Muqdisho”.

Qaali ayaa intaas ku dartay in suuqyada Muqdisho ay ka soo ururiso bacaha ay ka samayso xarkaha, todobaadkiin ay soo saarta ilaa 6 xarig “Markaan soo qaadno waan dhaqnaa kadibna waan soohnaa, gabadh kasta oo naga mid ahina goobtay ku nooshahay iyo agagaarkeeda ayey ka soo ururisaa, iyadoo ay igu qaadato samaynta xarriga 10 mitir ah inaan ku sooho 6 saacadood”.

Fahma Axmed Cabdalla waxay ka tirsan tahay gabdhahaan bacaha kasoo saara xargaha ilaa 5 xarig ayey ii sheegtay in ilaa hadda ay gacan teeda ku samaysay markii koobaadna ay hooyadeed ka baratay sida loo sameeyo xarigga, intaysan ku soo biirin ururkaan gabdhaha.

“Anniga ururintooda ayaa mararka qaar dhib kala kulmaa iyadoo dadku igu caayaan, waxaanan ka codsanayey gabdhaha deriska ila ah iyo kuwa kale ee aan axsaabta nahay inay ila soo ururiyaan bacaha, anniguna markaan ka baxo goobta waxbarashadda ayaan sii urursadaa, fiidkii marka la cawaynayana waan soohdaa, waxaana jira gabdho deriska ah oo iyagu hadda bilaabay inay iyana samaystaan, dakhlina ka soo galo”.

Barre Cabdulaahi oo ah macalin wax ka dhiga dugsiyadda sarre ee Muqidsho ayaa Ergo u sheegay “Muhiimadda waxay tahay in ardaydu fahmaan ilaalinta deegaanka, ayna dadka danyarta tusi karaan inay ka abuuri karaan dakhli abuur”.

Post your comments

Jawaab ka bixi

Please enter your comment!
Please enter your name here