Barakacayaal hor leh oo gaaray Ceelwaaq oo codsadey in loo gargaaro

0
Photo | Sawir/hooyo iyo carruurteeda/Keydka/Ergo

In ka badan 200 oo qoys oo 10 maalmood ka hor soo gaaray xeryaha dedka barakacay ee degmada Ceel-waaq ee gobolka Gedo kana yimid deegaanno ka kala tirsan gobollada Gedo iyo Bay ayaa ka cabanaya noola xumo ay sheegeen inay  ku haysto xeryaha barakacayaasha.

Aamino maxamed Cismaan ayaa Radiyaha Ergo u sheegtay in ay ka soo barakacday miyiga u dhexeeya degmada Ufurow iyo Qansax-dheere ee gobolka Baay kadib markii xoolihi ay kaga dhammaadeen abaaraha ayadoo tilmaantay in muddo dheer ay ku qaadatay inay yimaadaan xerayaha dadka barakacay ee degmada Ceel-waaq oo ay sheegatay inay noolal u soo raadsadeen balse ay ku dhibaataysan yihiin xilligan.

“Anigu waxaan haystaa 7 carruur ah iyo dhawr uu dhalay wiilkeyga mana haysanno hoyi, cunno, caafimaad iyo cid noo gargaarta toona, Waxaan ahayn 70 qoys oo ku biiray barakacayaasha xerada Samiir ee ku taalla duleeka Ceel-waaq oo isugu jira carruur, haween iyo dad da’a oo aan u adkeysan Karin dhibaatada waxaan codsanaynaa in nala caawiyo.” Ayey tiri.

Aden Xasan Yaquub oo ka mid ah Qoysaska soo Barakacay oo u waramayey Radiyaha Ergo  ayaa sheegay in xaaladda 230 qoys oo barakacayaasha cusub ah ay aad u liidato, asagoo intaa ku daray in qoysaska uu isagu ka mid yahay ay qaarkood ka soo barakaceen deegaanka Faafax-dhuun ee gobolka Gedo sababa la xiiriira xoolihii oo ka dhammaaday iyo wax soo saarkii beeraha oo meesha ka baxay abaarta awgeed.

“Ilaa iyo Iminka ma jirto ayuu yiri wax gargaar bini,aadinimo oo na soo gaarey, marka laga reebo 20 neef oo ari ah oo hay,adda ICRC maalmo ka hor ay noo qeybisey gargaarkaasina ma noqon mid wax ka tara nolosha Barakacayaasha cusub ee ku sugan Xerada Samir oo isugu jira kuwa ku xoolo beelay abaarta iyo kuwa beeraleey ah oo wax soosaarkii ay ku tiirsanaayeen ay ragaadiyeen roob yaraanta iyo abaarta sidaasi waxaa yiri Aden Xasan oo ka mid ah Qoysaska Barakacayaasha ee soo gaarey ceelwaaq.

Xeryaha Barakacayaasha ah ee ku yaala degmada Ceelwaaq oo gaaraya7 xero ayaa xilligan waxaa ku jira dad lagu qiyaasay ilaa 3kun oo Qoys.

Axmed Cumar Saalixi/FO

Post your comments

Jawaab ka bixi

Please enter your comment!
Please enter your name here