Shuban biyood ka dillaacay Galgaduud

0

Ugu yaraan saddex carruur ah ayaa u dhimatay cudurka shuban biyoodka oo ka dillaacay gobolka Galgaduud, halka tiro kale oo dad ahna ay la ildaran yihiin. Carruurta ayaa ku dhimatay tuulada Ceel Shiil oo ay ku nool yihiin qoysas kasoo barakacay degmada Ceelbuur oo diicamada dowladda ay dhowaan uun ka qabsadeen kooxda Shabaab.

Degmada Caabuqwaaq na, 19 qof oo ayaa istibaalka degmada la jiifiyay kadib markii uu haleelay cudurka oo ka dillaacay xero ay ku nool yihiin dad barakacayaal ah oo degmada ku taal. Dhakhtar Xasan Cilmi oo Caabuqwaaq ka howl-gala ayaa raadiyaha Ergo u sheegay in bukaannada ugu badan ee uu cudurku soo ridanayo ay yihiin carruur, dad waayeel ah iyo haween.

Dhakhtarka ayaa cudurka shuban biyoodka ee ka dillaacay deegaanka la xariiriyay kuleelka ka jira gobolka iyo cabidda biyo aan nadiif aheyn xilli roobka guga uu dib u dhacay.  Dhakhtarka ayaa ka digay in cudurku ku faafi karo deegaanno kale oo hor leh.

Jawaab ka bixi

Please enter your comment!
Please enter your name here