30 Qof oo cudur aan la xaqiijin ugu geeriyooday Bardaale labadii bilood ee la soo dhaafay

0
Wakiilka hay’adda caafimaadka aduunka ee WHO degmada Bardaale Ibraahim Aadan ayaa Ergo u sheegay in labadii bilood ee la soo dhaafay 30 qof oo u geeriyooday xanuunka dadka marka hore ku ridaya calool fuur ay diwaan geliyeen,
Cudurkaan ayaa dadka deegaanku sheegayaan in calool fuur uu ku ridayo, xumad adagi qabanayso kadibna uu u dhimanayo, iyadoona muddo lix sanno ka hor uu cudurkaani ka dilaacay deegaanka, waxayna sheegeen inay u malaynayaan in raashinka mesegada oo ay ku kaydiyeen bakaaraha oo saxadoodu xumaatay cudurkaan laga qaaday
Nuuney Cabdi waa mid ka mid ah dadka bukaanku haleelay, muuqaal ahaan waxaa ka muuqda tabar daro cudurka calool fuurka ku reebay, dhinacyada waxaa ka fadhiyaa carruurteeda ka murugeysan xanuunka haya hooyadood, hadalka oo dhib ku ahaa darted wa adkeyd in aan ka helo fafaahin dheer oo cudurkan iyo siduu u h ayo, waxayna ii sheegtey in mudo laba bil ah la xanuunsaneyso daawo kasta lagala daaley.
“Caloosha ayaa la iga hayaa, waan ka xanuunsadey caloosha, waa u jeedaa waa weynaatey, ma seexdo, hurdo ma leh, ma seexan karo, Illaahay ayaa og xaalkeyga, meel kasta waan tagey daawo kasta waan ku daaley”.
Laakin wakiilkan WHO u qaabilsan degmada Bardaale Aadan ayaa sheegay in hadda ka hor mudo laga joogo 6-sano ayaa baaris ku sameeyeen, aniga oo is dhahayey ogow maalintii inta u dhimata, sababtana ka ogow, marka qalab ma heysan, waxaan qaatey book iyo qalin, dhakhatir sar sare kale ilama socon, cel celis ahaan waxaa soo baxdey in bishii cudurkan ay u dhimanayaan 30-qof kuwo kale oo intaas la mid ahna u jiifaan, sawiro ayaa kaso qadey dadkii qabay sida carruurta iyo dadka waaweynba, waxaana aragney in qofka xanunkan ku dhaca caloosha ayaa weynaaneyso, heer waxay gaartey in dadka sas badan ay qaadaan, dhakhatiir aan arrintas u sheegay waxay ku sababeeyen in laga yaabo in cudurkan keeneyo haruurka bakaaraha lagu keediyo oo sumowda,ceelasha gacanta oo biyahooda baaris lagu sameyn, amaanka oo xunna fursad looma helin in baaris rasmiya lagu sameeyo, waase wadadda koowaad ee hadda u bahan in qaado”.
Degmada Bardaale oo Baydhabo dhanka koonfurta kaga began 57 KM ayaa waxaa aan la heyn isbitaal guud oo bulshada baahidooda caafimaad ka haqab tira, waana mida keentey in cudurkan ay sii kordhaan tirada u geeriyoota, tusaale xalay oo keli ah sadax qof ayaa u dhimatey cudurkaan siduu sheegay Aadan.
Muxiyadin

Jawaab ka bixi

Please enter your comment!
Please enter your name here