Gaalkacayo: dad ka badan kun qof oo dan yar ah oo helay daaweyn lacag la aan ah

0
1060 qof oo qaba xanuunno kale duwan ayaa Isbitaalka  GMC ee Gaalkacyo  wuxuu siiyey  adeeg caafimaad oo lacagla’aana.  Adeegyada ay heleen bukaanadu ayaa waxaa ka mid ah qaliimo, daaweyn iyo baaritaanba, waxaana ka faa’iidaystay dadka dan yarta oo ay ka mid yihiin kuwa ka yimid xeryaha barakaca ee magalada ku yaal. Adeegaan ayaa soo bilowday 15 bishii Febaraayo isagoona dhamaaday 17kii bishaan.
Dr C/qaadir Maxamud Jaamac Dr dhagacade  oo ah agaasimaha isbitaalka GMC ayaa Ergo usheegay in barnaamijkaan ay ku caawiyeen ururka badbaadinta iyo horumarinta Soomaaliyed oo dagan dalka Sacuudiga oo kaalmo kahelay ururka dhalinyarada dunida islaamka, dadka ka faa’iidaysatay waxay ka kala  yimaadeen  meelo badan oo dalka-ah, ninkii udabeeyey ee aan qalay wuxuu kayimid Marka, waxaa looga yimid waqooyi iyo deegaamo badan taas oo kuu cadeynayasa in dadku awoodin inay helaan qaliimada noocaan oo kale ah,
Takhtarka ayaa sheegay in 900 oo ka mid ah dadka barakacayaasha ah ee Gaalkacayo degan ay u sameeyeen baaris iyo daaweyn, waxaa jira oo kale 150 qof oo qaliimo, qaliinkooduna isugu jiray, kansarka, kuwo caloosha laga qalay, kuwo burooyin laga qalay, kuwo qaliin looga sameeyey beeryarada, kuwo ilmo lagu qalay, kuwo iskufurmay oo la qalay iyo kuwo aan ka qalay minka oo burooyin waaweyn laga soo saaray.
Khadiijo Aden Cilmi waa hooyo katimid gobolka Sool, lagana qalay beeryarada oo ay  ka xanuunsanayd, waxayna Ergo u sheegtay inay meelo kala duwan oo dalka u tagtay inay hesho caafimaad, lakiin hadda kahor aysan hellin cid caawisa.
Xasan Nuur Warsame ayaa isna idaacadda Ergo usheegay, inuu mudo xanuunsanaa, isla markaasna uusan awoodin inuu iska baxsho kharashka ku baxayey qaliinka loosameeyey isla markaasna uu manta ku faraxsan yahay qaliinka lacag la’aantaa ee isbitaalka GMC u ufuliyey.
Burhaan Maxamed Cabdi

Jawaab ka bixi

Please enter your comment!
Please enter your name here