DEGMADDA JANAALE OO AY KA TAGAN TAHAY ADEEG LA’AAN CAAFIMAAD

0
290

Dadka ku nool degmadda Janaale oo ah goobaha uu daadadka webigu saameeyeen ayeysan ka jirin adeegyo caafimaad. Siday sheegayaan dadkaasi xiliga ay soo wahahaan cuduraddu ayey u aadan goobo aad uga fog Janaale.

Farxiyo Jimcaale oo ku nool tuulada Cabulle oo ka tirsan degmadda Janaale kana xigta dhina galbeed 7km, ayaa sheegaya inay u bahan yihiin hagaajinta adeegyadii caafimaad ayna wakhtigaan ugu daran tahay hanaanka saxadda oo ma lahan musqulo, qofka markuu xanuunsadana ay u qaadaan Marka, Farxiyo ayaa sheegtay in dadka qaar ay ku qaadaan gaari dameero gaarsiiyo Marka lagana qaato lacag dhan 150 dollar, qofkii aan awoodinna uu u dhimanyo adeeg la’aan.

Khadiijo Nuur Maxamed oo iyana ka tirsan dadka tuladaas ayaa sheegtay inaysan haysan shaqo, carruurtoodana aysan u helayn adeeg caafimaad, tacliin, mana jirto ceel laga cabo, waxanan ku jirnaa go’doon nololeed.

Sacdiyo Maxamed oo ah gudomiyaha urur maxali ah lana yiraahdo SORDO oo ka shaqeeya deegaankas ayaa sheegtay in tuulooyin tiro badan oo Janaale ah aysan ka jirin adeegyo dhinaca nolosha ahi, oo ay ka magacawday Buulo Xamaali, Buulo Sheikh Abukar,Buulo Dukaan iyo  Canbanaana  “ dadka dhulkaas ku nool ay aad u tamar xun yihiin, xag caafimaad, dhaqaale iyo nololeed, metelan haddii islaani foolato oo umuliso dhaqameedku wax ka qaban waydo waxay noqotaa mararkaas  in lagu qaadi gaari dameer oo lagu gaarsiiyo Marka, duruuftaasna waad fahmi kartaan siday tahay”.

Cabdi Idiris Maxamed oo ah gudoomiyaha degmadda Janaale ayaa sheegay in hal MCH oo aad u kooban ku yaal Janaale ayna maamusho hay’ad la dhaho Cosov fadhigeeduna yahay Marka,  mana soo gaarto daawyo ku filan, iyadoo isbitaalkii degmadduna ku xirmay dagaaladdii wakhti hore ka bilowday wadanka, “deegaanku waa balaaran yahay, dadka ku noolna waa beeralay ku teedsan webiga, ayna saameyeaan daadadka iyo cuduradda kale, haddana waxaa ka jira deegaanka xanuunadda duumada, shubanka iyo kaadi dhiig, mana hayno wax daawo ah,  isbitaal la’aantuna dhibkay leedahay ayaana dhamaan dadku ogyihiin, waxanan codsanaynaa in daawo yaridda hada taagan iyo goob caafimaad oo aan jirin nalaga taageero”

Adan Diyashe/MH

Post your comments

Jawaab ka bixi

Please enter your comment!
Please enter your name here