DADKA XANUUNKA DHIMIRIKA QABA EE BUUHOODLE OO HELAY DAAWEYN

0

Howlo baaritaan iyo daaweyn ah oo loo fidinayo dadka ka xanuunsanaya dhimirka ayaa ka soconaya degmada Buuhoodle ee gobolka Togdheer.

Daaweyntan tabarucaadda ah ayaa waxaa iska kaashaday xarun caafimaad oo ku taalla degmada Buuhoodle iyo takhtarka caanka ah ee dhimirka Dr. Cabdicasiis Xabeeb oo ka socday isbitaalka dhimirka oo ku yaalla magaalada  Muqdisho.

Qeybaha bulshada Buuhoodle sida dhallinyarada, aqoonyahannada, haweenka iyo ehellada dadka dhimirka ka jirin ee lagu wado inay ka faaíidaystaan daaweyntaas bilaashka ah ayaa si weyn u soo dhaweeyay baaritaannadaas caafimaad.

Dr. Xabeeb oo isagu ah takhtarka fulinaya howlahan ayaa sheegay in muddo dheer la dayacay dadka dhimirka ku xanuunsanaya ee Buuhoodle, isagoo sheegay in dadkii uu qaabilay ay isugu jireen dad xittaa waayay daryeelkii aasaasiga ahaa.

Magaalada Buuhoodle ayaa waxaa ka jirtay xarunta ay dadka dhimirka ka xanuunsanaya ka heli jireen jiif iyo wax xoogaa daryeel ah balse ay goobtaas iska xirantay sababo la xiriira dhaqaale laáan.

Hay’adda caafimaadka adduunka ee WHO  ayaa ugu baaqaysa in la soo afjaro takoorka iyo  bahdilka iyo waxyaalaha kale ee maskaxda wax u dhima lagunala kaco dadka dhimirka ka buka, taas bedelkeedna la siiyo daaweyn wanaagsan. Warbixin ay WHO ugu tala gashay maalinta 10ka Oktoobar lana xuso maalinta dadka dhimirka ka buka ayey ku talisay in joojinta takoorku tahay qodob muhiim u ah daaweynta dadka dhimirka ka buka.

Daaweyntan loo fidinayo dadka dhimirka ka xanuunsanaya ayaa waxa ay ku soo beegmeysaa xilli dadka xanuunadaas qaba ay aad ugu soo badanayeen magaalada Buuhdoole, iyagoo u baahan dawweyn, waxaana xanuunadaas inay soo bataan lala xiriiriyaa maandooriyayaasha, dagaallada oo dadka dhaxsiiyay wal-walwalka, argagaxa iyo naxdinta joogtada ah.

Nimco Ayaan Mohamud/MG

Post your comments

Jawaab ka bixi

Please enter your comment!
Please enter your name here