Qaxooti Soomaaliyeed oo ku dhibaateysan Zambia

0

04 June, 2012 MOZAMBIQUE

Kumannaan kun oo Soomaali ah ayaa waxay ku noolyihiin waddamo ku yaalla dhinaca koonfureed ee qaaraddan Afrika, marka laga soo tago tiro badan oo ka mid ah Soomaalidaas oo ka shaqaysta ganacsiyo ay abuurteen waxaa jira boqollaal qaxooti Soomaali ah oo dhibaataysan.

Xerada Maheeba ee ku taalla waddanka Zambia ayaa waxaa ku jira qaxooti Soomaali ah oo boqollaal gaaraya, waxaana ka mid haween, carruur, curyaamiin iyo waayeel, kuwaas oo badankood gaaray xeradaas xiliyadii ay sii xoogaysteen dagaallada ka soconaya Soomaaliya.

Haween ka mid ah dadka ku nool xeradaas Maheeba oo qaarkood halkaas ku jiray muddo dhan 14 sano ayaa Raadio Ergo uga warramay dhibaatada ku haysata xerada, iyagoo cabasho ka muujiyay raashiinka xeradaas laga bixiyo, sharciyada dhaqdhaqaaqa ee la siin jiray qaxootiga oo qaarkood loo diiday iyo adeegga caafimaadka ee xerada.

“Aniga waxaan ahay gabar Soomaaliyeed oo dhawaan ku umushay xerada, walaal dhibaato kala duwan ayaa halkaan nagu haysata, raashin galleey ah oo aadan cuni Karin ayaa nala siiyaa, caafimaad ma helno, xitaa haddii aanu shaqaysan lahayn innaga iyo raggeennaba waraaqihii waa naloo diiday in la soo cusboonayso, waxay leeyihiin kaarar la idinma siinayo waayo waxaa tihiinSoomaali, waxaadna doonaysaan inaad baxsataan oo dalalka dariska nala ah u gudubtaan” sidaas waxaa raadiyo Ergo u sheegtay haween ka mid ah qaxootiga xerada Maheeba ku jira.

Weriyeheenna Faarax Dubbad oo jooga waddanka Muzambique ayaa ku soo warramaya in dhibaatada Soomaalida ay sii kordhayso maalinba maalinta ka dambaysa, iyadoo tirada dadka magangalyo doonka Soomaalida ah ee gaaraya waddamo ay ka mid yihiin Malawi, Mozambique, Zambia, Koonfor Afrika, Angola iyo Zimbabwe ay sii badanayso.

Faarax Dubbad/MG/FM

Post your comments

Jawaab ka bixi

Please enter your comment!
Please enter your name here